موضوع: امثال شعبية مصريةجامدددددددددة( الجزء الاول) الثلاثاء أغسطس 04, 2009 7:16 pm
بعد عناااء و انتظار ظهور النتيجة و الحمد لله النجاح قررت انا ياشعبى الحبيب:d:d:d احطلكوا شوية امثال مصرية على مزاجكوا كده ياااااارب تعجبكوا
دا اول جزء ولو عجبتكوا هكمل الامثال
بس ليا طلب عندكو كل واحد يختار مثل و يقول عليه حاجة حصلتله ف حياته او موقف كا يعنى :d:d
يلاااااااااا بيناااااااااااااااااااااااالامثال
آخد إبن عمى وأتغطى بكمى آدينى حيه لما أشوف اللي جايه ابن أدم فى التفكير والرب فى التدبير ابن الحرام يا يطلع قواس يا مكاس ابن الكبه طلع القبه وابن اسم الله خده الله أبو جـعران في بيته سلطان أبوك البصل وأمك التوم منين لك الريحه الطيبه يا مشوم أبوك ما هو أبوك أخوك ما هو أخوك
إتعب جسمك ولا تتعب قلبك إتعلم الحجامه فـي روس اليتامى إتغندرى وقولي مقدري إتغربى وإكدبى إتلمت الحبايب مباقاش حد غايب إتمسكن لما تتمكن إجرى يا مشكاح للى قاعد مرتاح أجود من الذهب من يجود بالذهب احتاجوا ليهودى قال اليوم ده عيدى إحنا إتنين والتالت جانا منين أخته فى الخماره وعامل أماره إخلص النيه وبات فى البريه أخيط بسلايه ولا المعلمه تقول هاتى كرايه إداين وازرع ولا تداين وتبلع إدلعى ياعوجه في السنه السوده إدينى رغيف ويكون نضيف إدينى اليوم صوف وخد بكره خروف إدينى عمر وإرمينى البحر إذا كان فيه خير ما كان رماه الطير الأرض موش شهاوى دى ضرب ع الكلاوى أربط الحمار جنب رفيقه إن ما إتعلم من شهيقه يتعلم من نهيقه إركب الديك وأنظر فين يوديك أردب ما هو لك ما تحضر كيله تتغبر دقنك وتتعب فى شيله أهل السماح ملاح إرميه في السطوح وإن كان لك قسمه فيه ما يروح إسأل قبل ما تناسب يبان لك الردى والمناسب إسألى على ما تفعلي أخر المعروف ينضرب بالكفوف اسمع ظراطه ولا تسمع عياطه اشترى بدرهم بلح بقى له في الحي نخل إصباح الخير يا جارى إنت فى دارك وأنا فى دارى اشترى الجار قبل الدار اصبري يا ستيت لما يخلى لك البيت اصرف ما فى الجيب يئتيك ما في الغيب اضحك والضحك رخيص قبل ما يغلى ويبقى بتلاليس اضرب الطاسه تيجى لك الف لحاسه اضرب ابنك واحسن أدبه ما يموت إلا لما يفرغ أجله اضرب الطينه في الحيطه إن ما لزقت علمت اضرب الندل واكفيه وبوس رآسه يكفيه إطعم مطعوم ولا تطعم محروم أعز الدريه مملوك وسريه أعز الولد ولد الولد أعمل حاجتى بايدى ولا أقول للكلب يا سيدي افتكرنا القط جه ينط أعمى يجر أعمى ويقوله ليله سعيده اللى اجتمعنا - ومكسح يجر مكسح ويقول له يالله نتفسح افطر على رأس حيه ولا تفطر على فوله نيه أفتكر لك إيه يا بصله وكل عضه بدمعه اقطع ودن الكلب و ليها اللي عنده خصله ما يخليها أقعد في عشك لما الدبور ينشك أقل باب يحوش الكلاب اكتم سرك تملك امرك إكره ودارى وحب ووارى أكل فوله ورجع لأصوله الأكلانه تولد ميه وتقول يا قله الدريه أكل ومرعى وقلة صنعه أكله وإتحسبت عليك كل وبحلق عنيك أكنس بيتك ورشه ما تعرف مين يخشه إلبس تعجب مراتك ولبس مراتك تعجب الناس ألف رفيقه ولا لزيقه ألحس مسنى وأبات مهنى آخر المعروف ينضرب بالكفوف ألف عيشه بكدر ولا نومه تحت الحجر اللي بيعاير ما على بالو شى م اللى داير اللي تحبل بالليل تولد بالنهار اللي تحبل فى الفرن تولد في الجرن اللي يقول ما أعرفش ما تتععبش منه واللي يقول ما أقدرش تتعب منه اللي تخاف منه ما يجيش أحسن منه اللي ينشرى ما ينشهى اللي تخرج من دارها ينقل مقدارها اللي تخلفه الجدود تفنيه القرود
الثلاثاء أغسطس 04, 2009 7:16 pm
قررت انا ياشعبى الحبيب:d:d:d احطلكوا شوية امثال مصرية على مزاجكوا كده
ياااااارب تعجبكوا 
